محمود ومراته فى السينما :
فى يوم من الايام محمود قرر ياخد مراته ويروحوا السينما يتفرجوا على فيلم المهم راحوا السينما سوا وقطعوا التذاكر ودخلوا قعدوا فى مكانهم فى اليوم ده السينما كانت مليانة المهم الفيلم ابتدى عادى جدا والناس بقى انسجمت مع الفيلم من ضمنهم محمود
ومرة واحدة وفى نص الفيلم تقوم مرات محمود تبصله وتقوله:
محمود 000000
قالها : نعم
قالتله : ساكت ليه يا حبيبى ؟
قالها : يا ستى بتفرج على الفيلم
قالتله : ماتتكلم يا محمود
قالها : ياستى ميصحش نتفرج فى السينما ونتكلم
قالتله : طب احكيلى الفيلم يا محمود
قالها : حاضر ..... اللهم طوللك ياروح .. شوفى ياستى .. الراجل اللى قدامك دهه دلوقتى بيحب الست دى قام واحد من المتفرجين فجاة اتضايق منهم وقال :
يااستاذ؟
محمود قاله : نعم
الراجل قاله : عاوزين نسمع الفيلم .. الحكاوى دى تبقى فى الفسحة فى بيتكم
محمود رد وقاله : حاضر انا اسف يا سيدى
فتقوم مرات محمود تبص لمحمود وتقوله :
وبعدين يامحمود .. كمل ياحبيبى
قالها : وهما دلوقتى الراجل والست اللى بيحبها قاعدين فى الجنينة بيشربوا شاى
قالتله : هما اللى بيحبوا بعض بيشربوا شاى يامحمود؟
قالها وهو متنرفز ومش طايقها : امال يعنى هيشربوا لب سوبر.... شاى طبعا شاى
قالتله : طب ماتقوم نشرب شاى يامحمود
قالها : ياستى احنا دلوقتى بنتفرج على الفيلم
قالتله : يعنى مش عاوز نشرب شاى مع بعض يامحمود؟
قالها وهو خلاص هيموت من الفرصه والغيظ : ياخبر اسود ومنيل ... ياستى مش وقته
قالتله بكل بردو : انت مش بتحبنى يامحمود ؟
قالها وهو خلاص هيولع يا حرام : ياستى بحبك بحبك ... ان شا الله اعدمك بحبك .. ان شا الله تدوسك طيارة بحبك
قالتله بكل هدوء : وانا كمان بحبك يا محمود
قالها : طيب ياختى حبك برص
قالتله : مش انا بحبك يا محمود ؟
قالها وهو خلاص هيولع : اها يا ختى بتحبينى
قالتله بكل بردو : طب متقوم نشرب شاى بقى يامحمود
قالها وهو خلاص بقا هيموت يا حرام من الغيظ : سيبينى بقى اتفرج على الفيلم ... سيبنى بقى اتفرج ... ياساتر.
قالتله : انت مضايق من حاجه يا حبيبى ؟
قالها : ايوه زعلان ومضايق
قالتله : ليه هو الفيلم درامى يا حبيبى ؟
قالها : لاء يا ستى مش درامى دا كوميدى
قالتله : طب ما دام كوميدى ماتضحك يامحمود
قالها : حاضر.... قام ضحك ضحكة عبيطة جدا عشان هى تسكت
قالتله : بتضحك على ايه يامحمود؟
لقالها وهو خلاص هينفجر يا حرام من الغيظ :
يانهار اسود ومهبب ومنيل .. بضحك على الفيلم ياستى بضحك على الفيلم اوف
قالتله : طب ماتضحكنى معاك يا حبيبى
قال: الصبر يارب الصبر ... حاضر ياستى حاضر ... وبعدين ياستى ابوها اللى قدامك دهه شافها مع الواد ده قام اتغاظ منه فراح وقاله00000
فيقوم واحد من المتفرجين اللى قاعدين يزعقله ويقوله:
محمود
محمود قاله : نعم
المتفرج : اتكتم بقا يا محمود
محمود قاله : حاضر يا استاذ انا اسف
مراته تندهله وتقوله : محمود
قالها نعم يا ستى نعم : كملى الفيلم ياحبيبى
قالها : حاضر ... بصى هناك بصى... وبعدين لما شافها ابوها قاعدة مع الواد دهه اتغاظ منه
قالتله : اتغاظ منه ليه يا محمود؟
قام الراجل اللى بيتفرج جنبهم يزعقلهم ويقول : عشان مش عارف يتفرج على الفيلم عشان مش عارف يسمع
محمود : خلاص يا استاذ حاضر انا اسف
فمراته بصتله وقالتله : خلاص الفيلم كده ياحبيبى؟
قالها : لا يا ستى لسه
قالتله : طب ساكت ليه ياحبيبى ما تكمل ؟
قام معيط وقال : احترت يارب احترت ... الناس عايزة تتفرج اسكتى بقى اسكتى بقى اسكتى
قالتله : طيب يا حبيبى هسكت اهه
قالها : ايوة كده ياساتر
قالتله : كمل انت بقا يا حبيبى احكى الفيلم وبعدين ؟
قالها وهو خلاص هيولع من الغيظ : ياخبر اسود ومنيل ... اوف
قالتله : مالك بس يا حبيبى ؟
قالها : متغاااااااااااااااااااااظ متغاااااااااااااااااااااااظ
قالتله : ومتغاظ انت ليه ياحبيبى ؟ هو انت ابو البنت اللى فى الفيلم ده ؟
وفى الاخر محمود اغمى عليه يا حرام وضغطه ارتفع وروحوه على نقالة
الخميس يناير 20 2011, 02:21
